,459) SOUS LE RÈGNE DE CHARLES Vl. 219

que les diz heritiers ou heritier auroient assis bien et souffisaument, et feroient ou auroient fait amortir les dictes vint cinq livres Parisis de rente, elle volt que le résidu des autres rentes demeure deschargié, et autrement non.

Item, volt et ordonna que la dicte chapelle soit et appartiengne à messire Rogier;le Conte, prestre, Chapellain de la dicte testateresse, et lequel a esté longuement demourant avec elle et en son hostel, et charga et charge ses executeurs que après son testament ilz facent et sueffrent laissier jouir et user de la dicte rente, sa vie durant, pour dire et celebrer les dictes messes. Et après le trespassement d'icelui messire Rogier, volt et ordonna que la presentacion de la dicte chapelle appartiengne à maistre Jehan de Breban et Agnès, sa femme, niepce dicelle testateresse, et aux hoirs et heritiers du costé et ligne .d'icelle Agnès.

Item, volt et ordonna que le jour de son obit elle ait pour son luminaire treze torches et quatre gros cierges de cire, chascune torche et cierge pesant quatre livres de cire.

Item, volt et ordonna que seze livres Parisis soient données et au-mosnées le jour de son obit par maniere de donnée aux povres, et que à chascun en soit donné un petit blanc de quatre deniers Parisis la piece.

Item, volt et ordonna que le jour de son obit et le lendemain soient chantées et célébrées en la dicte eglise quarante messes pour le salut et remede de l'ame d'elle.

Item, pour estre sepulturée et mise ou ditcymeffere des Sains Innocens, elle laissa à la fabrique dix livres Tournois.

Item, elle laissa à la dicte fabrique vint solz Parisis de rente, à ce que les marregliers seuffrent et laissent chanter et celebrer les dictes trois messes en la dicte eglise par ledit chappellain dessus nommé, ou par ceulx qui seront présentez par ies diz heritier ou heritiers de la dicte testateresse.

Item, volt et ordonna que au retour de son dit obit soit fait un disner, selon ce que il semblera estre bon, et honnorable et expédient à ses executeurs.

28.



	,459) SOUS LE RÈGNE DE CHARLES Vl. 219 que les diz heritiers ou heritier auroient assis bien et souffisaument, et feroient ou auroient fait amortir les dictes vint cinq livres Parisis de rente, elle volt que le résidu des autres rentes demeure deschargié, et autrement non. Item, volt et ordonna que la dicte chapelle soit et appartiengne à messire Rogier;le Conte, prestre, Chapellain de la dicte testateresse, et lequel a esté longuement demourant avec elle et en son hostel, et charga et charge ses executeurs que après son testament ilz facent et sueffrent laissier jouir et user de la dicte rente, sa vie durant, pour dire et celebrer les dictes messes. Et après le trespassement d'icelui messire Rogier, volt et ordonna que la presentacion de la dicte chapelle appartiengne à maistre Jehan de Breban et Agnès, sa femme, niepce dicelle testateresse, et aux hoirs et heritiers du costé et ligne .d'icelle Agnès. Item, volt et ordonna que le jour de son obit elle ait pour son luminaire treze torches et quatre gros cierges de cire, chascune torche et cierge pesant quatre livres de cire. Item, volt et ordonna que seze livres Parisis soient données et au-mosnées le jour de son obit par maniere de donnée aux povres, et que à chascun en soit donné un petit blanc de quatre deniers Parisis la piece. Item, volt et ordonna que le jour de son obit et le lendemain soient chantées et célébrées en la dicte eglise quarante messes pour le salut et remede de l'ame d'elle. Item, pour estre sepulturée et mise ou ditcymeffere des Sains Innocens, elle laissa à la fabrique dix livres Tournois. Item, elle laissa à la dicte fabrique vint solz Parisis de rente, à ce que les marregliers seuffrent et laissent chanter et celebrer les dictes trois messes en la dicte eglise par ledit chappellain dessus nommé, ou par ceulx qui seront présentez par ies diz heritier ou heritiers de la dicte testateresse. Item, volt et ordonna que au retour de son dit obit soit fait un disner, selon ce que il semblera estre bon, et honnorable et expédient à ses executeurs.

	28.